【浴屏挑選指南】打造完美乾濕分離！按預算材質選擇、浴室格局揀款全攻略
每日收工返到屋企，最爽當然係沖個舒服嘅熱水涼！不過如果浴室冇做好乾濕分離，沖完涼成個廁所濕漉漉，洗手盆同馬桶位都充滿水氣，唔單止容易滑倒，仲好易發霉。想真正解決呢個煩惱，加裝啱用嘅浴屏就係關鍵！
浴屏款式咁多，究竟點揀先啱？時代企業今日就同大家由「材質種類」同「安裝位置格局」逐一拆解，幫你揀出最切合預算同浴室空間嘅完美浴屏！
一、浴屏材質點樣揀？預算的抉擇
揀浴屏第一步，首先要睇預算。時代企業主要提供兩大方向，滿足唔同屋主嘅需要：
1. 經濟實惠浴屏（提供鋁材／不鏽鋼選擇）
如果你追求簡單直接嘅乾濕分離方案，希望性價比高就最值得考慮。我們提供輕巧嘅鋁框或者基本的不鏽鋼框，兼具經濟與實用功能，係預算有限、出租屋、舊居翻新嘅首選。
2. 高品質浴屏（優質的不鏽鋼框料）
如果對家居質素有要求，高品質浴屏絕對唔會令你失望。呢系列只提供嚴選的不鏽鋼材框料，保證足料鋼水，堅固耐用。配合持續改善嘅擋水結構工藝同高質五金配件，框色選擇極多，完美襯托現代輕奢或極簡風嘅浴室設計。
二、跟據安裝位置與形狀考慮款式
浴室大細同佈局人人屋企都唔同，所以最緊要係因地制宜。我哋將浴屏常見的形狀分為三大類，無論你屋企係咩格局都有心水推薦：
1. 一字型（橫屏格局）
最常見嘅傳統格局，適合裝喺兩面牆之間。所以款式的選擇非常豐富：
經濟實惠款：
- 鋁框 單趟︰ 一固一趟設計，非常節省佔用空間，結構上更有擋水效果。
- 鋁框 雙趟︰ 左右皆可互趟，簡潔輕巧，預算有限的首選。
- 不鏽鋼框 雙趟︰ 想提升少少質感？呢款係經濟實用嘅不鏽鋼首選。
- 鋁框 傳統三趟款︰ 左右互趟嘅三趟門，令出入同埋日後清潔都極之方便，加上包框設計更安全。
- 鋁框 巴士摺門︰ 採用底軌結構加強擋水，最適合窄位（如正方形小空間）進出。
- 鋁框 固定玻璃︰ 簡約梗屏效果，有包框保護更安心，仲可以做出唔同款式變化。
- 窄框單趟︰ 熱門之選！因為一固一趟擋水能力極強，窄邊框美觀實用，乾濕分離之餘視覺效果一流。
- 傳統雙趟︰ 最新工藝設計邊框厚度少於2吋 (約5cm)，帶來極致慳位同實用嘅靈活空間；下軌微斜設計擋有卸水效果，高約28mm。
- 新款雙趟︰ 特別加入緩衝設計，左右互趟時更安全，唔怕大力撞擊玻璃 (框厚接近3吋, 約7.5cm) ；全新下軌結構，只高約25mm，擋水與出入唔棘腳既平衡。
- 三趟門︰ 由一塊梗玻璃與兩件活動玻璃趟門組成，可以創造出超寬闊嘅出入口，出入毫無壓迫感。 (底軌高59mm)
- 掩門款︰ 最新極纖幼邊框的梗玻璃結構，持續改良美觀與安全的平衡；擋水底軌配以玻璃掩門打開推入牆身，佔用最少嘅空間去滿足最大出入。
- 固定玻璃︰ 梗屏效果，顏色選擇更多，玻璃可以做圓角。
2. L字型（直角格局）
適合利用角落位置出入，打造獨立淋浴間：
- 經濟實惠款：
- 鋁框 傳統包框款︰ 採用2固+2趟結構，轉角位置鋁框有圓位處理，包框設計令強化玻璃更穩定就對一家大細更安全。
- 鋁框 對角趟︰ 轉角鋁框同樣有圓位處理，開門靈活，特別適合有老人與小朋友嘅家庭。
- 不鏽鋼框 對角趟︰ 兼顧耐用度同預算嘅實用之選。
高品質不鏽鋼框款：
- 對角趟︰ 用窄邊框追求極致通透嘅視覺效果，減少壓迫感。
利用正面位置出入，側面固定玻璃與浴室櫃，趟門共存的獨立淋浴間：
- 經濟實惠款：
- 鋁框 單趟 / 雙趟 / 傳統三趟款; 不鏽鋼框 雙趟： 四款浴屏均可以加入側面固定玻璃 (相中為傳統三趟款例子)
- 鋁框 巴士摺門： 善用側面固定玻璃加長淋浴的空間
高品質不鏽鋼框款：
- 窄框單趟/ 傳統雙趟/ 新款雙趟/ 三趟門： 四款浴屏均可以加入側面固定玻璃 (相中為窄框單趟款例子)
- 掩門款： 高品質的梗玻璃配以活動掩門，開門推入淋浴空間，完美還原酒店式的奢華淋浴設計。
3. 多邊形、弧形（特色形狀）
想打破常規或者善用鑽石形角落？可以睇睇呢啲特色款式：
- 鋁框 半圓趟︰ 最直接簡單嘅弧形乾濕分離法。 (公屋居屋常見的鑽石形角落都適合使用)
- 不鏽鋼框 半圓趟︰ 以不鏽鋼材提供穩固而經濟的弧形方案。(公屋居屋常見的鑽石形角落都適合使用)
- 不鏽鋼框 鑽石形單趟︰ 根據浴室特殊角度去靈活訂造的多邊形浴屏。
- 不鏽鋼框 鑽石形雙趟︰ 雙趟門結構，開門幅度更大，讓出入空間更充裕。
- 半圓趟款︰ 頂級工藝嘅弧形設計，由中間雙開進出，完全唔會影響整體浴室嘅空間感。
三、客製化的增值細節
每個屋企的裝修同水喉位置都唔同，時代企業提供靈活嘅細節處理服務，確保浴屏產品可以百分百貼合你的浴室：
- 避喉位︰ 不論舊屋翻新或明喉設計都可提供調整結構，完美避開水喉限制。
- 枕頭位︰ 針對有特定結構凸出、窗台位或需要避開高度限制嘅淋浴位置。
- 功能性的側面︰ 配合非標準佈局，靈活加裝側屏。 (相中例子為傳統三趟款加摺門，連避喉位)
想搵專人免費諮詢或度尺？
無論你想要經濟實惠定係奢華享受，時代企業都能夠提供為你度身訂造最合適嘅乾濕分離方案。
歡迎隨時聯絡我們，一齊打造屬於你嘅五星級舒適浴室！